Islamic Urdu Article, taleem o tarbiyat, kids parenting, Bacho ki taleem o tarbiyat, parenting tips, tips for parent, urdu article for parents waldain, maa, baap

     

Home Page  Urdu Islamic Article  HR Email Ids  Zikar Azkaar

Namaz Quran & Tableegh   School HR ID  Ulema Ikram Bayanat

Listen Quran Majeed   Read Quran Majeed  Social Media  Ramzan

Khulasa Quran Majeed Latest jobs Karachi School Free Islamic Gift 

 

 

 

 

 

 

 

 

 

🔰یہ ایک ایسا پہلو ہے جس پر نہ پہلے کسی نے توجہ دی اور نہ ہی اب دی جاتی ہے. کیونکہ ہم اپنی اولاد کو دیگر دنیوی علوم و فنون سکھانے میں اتنے مگن ہیں کہ اصل فکر یعنی فکرِ آخرت کو نظر انداز کر بیٹھے ہیں.

 

🔰Positive Parenting کا تعلق براہ راست آخرت سے ہے. اگر ہم اپنی اولاد کی اللہ تعالی کے احکام و حدود کے مطابق تربیت کریں گے تو یہی اولاد آخرت میں ہمارے لیے صدقہ جاریہ کا باعث ہوگی

*ان شاء اللہ*

 

🔖🔖🔮🔖🔖

 

*تربیت کے مراحل*

 

🔖بچوں کی تربیت کا عمل وضع حمل سے ہی شروع ہوجاتا ہے.ہر ماں کی یہی سوچ ہونی چاہیے کہ اسکو اپنی اولاد کو *عباد الرحمن بنانا ہے یا عباد الشیطان*❓

 

🔖 قرآن و حدیث میں نیک و صالح اولاد کی دعائیں موجود ہیں جن کو سیکھنا اور پڑھنا چاہیے تاکہ نیک اولاد نصیب ہو.

 

🔖انکی پیدائش کے بعد انکو بنیادی ترین ضروریات فراہم کرنا ہم والدین کا فرض ہے، ان پر کسی قسم کا احسان نہیں، حتی کہ بچے کو ماں کے دودھ سے بھی محروم نہیں کرنا چاہیے .اس بارے میں بھی ہم سے پوچھ ہوگی.

 

 

🔖اپنے بچوں کو تادمِ حیات support کرنا، انکا ساتھ دینا بحیثیت والدین ہماری اولین ذمہ داریوں میں سے ہے. پیدائش سے جوانی، جوانی سے ادھیڑ عمر اور پھر انکا بڑھاپا بھی اگر دیکھیں تو انکا ساتھ اس سوچ کے ساتھ نہ چھوڑیں کہ اب اولاد بڑی ہوگئی ہے.

 

 

🔖بدلتے وقت کے بدلتے تقاضوں کے ساتھ خود کو educated رکھنا چاہیے، بچوں کی بہتری کے لیے جو بھی short courses مہیا ہوں، ان سے نہ صرف خود فائدہ اٹھانا چاہیے بلکہ ان بچوں کو بھی کرانا چاہیے جن کی شادی ابھی نہیں ہوئی. جس طرح دیگر کورس کراتے ہیں. *تربیت اولاد* کا کورس بھی لازمی ہے.

 

🔖اپنے بچوں کو تجربہ گاہ نہ بنائیں اور انکی ناکامی کاذمہ دار نہ بنیں بلکہ دوسروں کے تجربات سے مستفید ہوں. چھوٹی چھوٹی بنیادی tips بھی بہت کام کی ہوتی ہیں جن کو اپنانے اور  سیکھنے میں کوئی حرج نہیں.

 

🤲🏻دعا ہر مؤمن کا ہتھیار ہے. قرآن و حدیث میں نیک و صالح اولاد کی دعائیں موجود ہیں کیونکہ *نیک اولاد اپنے والدین کے لیے صدقہ جاریہ ہوتی ہے*. انکو خود بھی یاد کریں، اپنی اولاد کو بھی سکھائیں. ہر نماز میں یہ دعائیں مانگا کریں.

 

🤲🏻استخارہ کرنا بھی سکھائیں تاکہ کسی بھی قسم کی  مشکل یا پریشانی میں وہ اللہ ہی کی طرف رجوع کریں.

 

🤲🏻مغفرت کی دعائیں بھی اولاد کو ضرور سکھائیں تاکہ ہماری زندگی کے بعد *ہماری اولاد ہماری لیے مغفرت کی دعا کرسکے*. مغفرت کی دعا کرنے سے والدین کے درجات بلند ہوتے ہیں.

 

🔖🔖🔮🔖🔖

 

*صحیح تربیت نہ کرنے کے نقصانات*

 

⭕ہماری کوتاہیوں کی وجہ سے ہمارے بچے دنیوی ترقی میں پیچھے رہ جاتے ہیں.

 

⭕انکے سماجی تعلقات مضبوط نہیں بن پاتے.

 

⭕ذاتی تعلقات کمزور ہوتے ہیں.

 

⭕انکی شخصیت غیر متوازن ہوتی ہے وہ ذہنی و جسمانی کمزوریوں کے شکار ہوجاتے ہیں.

 

انتخاب،، عابد چوہدری

 

 

🔵♦️♦️🔵♦️♦️ 🔵

 

❂▬▬▬๑۩۞۩๑▬▬▬❂

         

 

 

 

 

 

 

 

 *کہانی زبانی*

 

📓    *سلسلہ سچی کہانی*

           *علم کا شیدائی*

 

    *🍃روزانہ رات کو اس گروپ میں بچوں کی تربیت کے لئے کہانی بھیجی جاتی ہے... جو مائیں انکو سونے سے پہلے سنا سکتی ہیں.*

 

❂▬▬▬๑۩۞۩๑▬▬▬❂

       

 

 

 

 

 

 

 

یہ رنگ دیکھنے میں تو صرف ایک *قوس و قزاح* کے رنگ لگتے ہیں لیکن *قدرت کی قوس و قزاح* جیسی خوبصورت صناعی کو کس کریہہ چیز میں بدل کر پیش کیا گیا ہے اس کا ہمیں شاید ادراک نہیں ہے۔

*فطرت سے، خداوند کریم سے، اس کی تخلیق سے جنگ*۔

 

💔 *ہمارے زہنوں، ہمارے گھروں، ہماری نسلوں کی اس طرح غیر محسوس طریقے سے ذہن سازی کی جارہی ہے کہ ہمیں اس بات کو سمجھنا اور سمجھانا مشکل ہوگیا ہے لیکن یہ کام لازمی بھی ہے*۔

 

↩️ برائی سے صرف خود بچنے کا ہی حکم نہیں ہے بلکہ اپنے پیاروں کو، ارد گرد کے لوگوں کو بھی اس سے ہمیں بچانا ہے۔

*ایک نظر نہ آنے والی آگ،بارش کے قطرے جس طرح گرتے ہیں اس سے بھی زیادہ تیزی بلکہ بہت تیزی سے فتنے  ہمارے گھروں کو تباہ کرنے آرہے ہیں۔*

اس  پر کافی جگہ کافی بار بات ہوئی۔

🔥🔥 *لیکن ایسا لگتا ہے کہ یا تو ہم سمجھے نہیں ہیں اس کے خطرات کو یا پھر ہم سمجھنا نہیں چاہتے۔*

 

❌ *یہ رنگ کوئی عام رنگ نہیں ہیں*

 

انہیں جن چیزوں سے جوڑ کر پیش کیا جارہا ہے وہ *انتہائی کریہہ چیز* ہے۔

 

🔥🔥🔥 *بچوں کے کارٹونز، کوکنگ پروگرامز،لائبریری میں بکس،موبائل کورز،پرسز غرض ہر جگہ ہر چیز میں اپکو یہ رنگ نظر آئیں گے*۔لیکن شاید ہم نے کبھی غور ہی نہ کیا ہو کہ اصل اس کی *تھیم* ہے کیا؟ *یہ صرف رنگوں کا کھیل نہیں بلکہ ان رنگوں کی آڑ میں فطرت سے کھیل ہے ، شیطانی چال ہے۔اور یہ رنگ لیئے ہی اسی لیئے گئے ہیں کہ اسے صرف ایک رنگ سمجھ کر اس تھیم میں غیر محسوس طریقے سے انوالوو  ہوجائیں۔ذہن بنتا رہے اور جب سمجھنے اور روکنے کا وقت آئے تو تب تک بے حس ہوچکی ہوں اور پانی سر کے اوپر سے گزر چکا ہو۔*

 

🎯🎯🎯

 

*یہ رنگوں کا کھیل ہے کیا*؟؟

 

یہ اصل میں *LGBT* کا سائن ہے۔اور اس کا کیا مطلب ہے تو یہ آپکے علم میں ہوگا۔نہیں ہے تو بتائے دیتی ہوں یعنی کہ

*فطرت سے جنگ*۔

کہ مرد کوخدانخواستہ عورت

اورعورت کو مرد جیسا محسوس ہو۔

*معاشرے کو سوچ سمجھ کر شیطانی چال چل کر تباہ کرنا۔*

🔥 *جیسے میرا جسم میری مرضی والی کیفیت۔*

یہ ایک *مینٹلی ڈس آرڈر* ہے اور اسکا علاج کیا جا سکتا ہے لیکن اس کے بجائے اس کو معاشرے میں آزادی سے مزید پروان چڑھانا جارہا ہے۔

💔 *ایک مرد صرف یہ کہہ دے کہہ اسے عورت والی فیل آرہی ہے تو بس اسے پھر اسی میں گنا جائے گا بجائے اس کے کہ اس  کو درست کیا جائے* ۔

 

💔 *اور اس میں،میں سمجھتی ہوں جو غذائیں بھی مل رہی ہیں اس میں اور میڈیا کے پروگرام میں بھی ایسی چیزیں شامل کی جاتی ہیں کہ آپ اچھے خاصے انسان سے اپنے مقصد کو پورا کرنے کے لیئے کچھ بھی اول جلول بن جائیں۔*

 

↩️ اس امت میں ہر وہ *گناہ* پریکٹس ہو رہا ہے کہ جس پہ پچھلی امتوں کو عذاب دیا گیا۔

 

🕯️🕯️ *نبی کریم صلی اللہ علیہ وسلم کی دعا کی بدولت ہم بچے ہوئے ہیں۔*

 

*ٹرانس جینڈر، تیسری جنس کی آڑ میں ایک مرد خود کو آپریشن کے ذریعے عورت میں بدل دے اور عورت خود کو مرد میں بدل دے یہ اسلام کے خلاف ہے۔ اب اس سے ہو گا یہ کہ ایک مرد جو کہ بائیولاجیکلی مرد ہے لیکن وہ خود کو عورت تصور کرے گا عورت رجسٹر کروائے گا تو قانونا اسے عورت سمجھا جائے گا اور اسی طرح عورت کو مرد۔اور اس کے نتیجے میں ہم جنس پرستی وجود میں آئے گی جو کہ اسلام کے خلاف ہے۔اس سے وراثت کے مسائل بھی پیدا ہوں گے۔ایک بندہ نادرا میں جاتا ہے تو اسکے تصورات کی بنا پر نہیں بلکہ میڈیکل بورڈ کی ڈیٹیل پر اس کا ڈاکومنٹس میں جینڈر بدل دے گا۔*

 

👎🏻 *آپ اپنے بچوں کی شادی کرنے کھڑے ہوں تو آپکو یہ نہیں پتہ ہو گا کہ اگلا فرد ہے کون۔آپ کسی محفل میں، کسی جگہ بھی پر اعتماد طریقے سے نہیں جاسکتے*۔

 تقریباً تیئس ہزار لوگوں نے تبدیلئ جنس کی درخواستیں جمع کروائی ہیں ۔ یہ ڈیٹا نادرا کے پاس موجود ہے ۔

*2018 میں سینٹ میں  ایک بل آیا تھا جس کا نام تھا جنس کی تبدیلی۔جس کے نتیجے میں تین سالوں میں 16523 مرد عورتیں بن گئی اور 12000عورتیں مرد بن گئے۔*

 

بہت مجبورا اس ٹاپک کو اتنا کھلے عام ڈسکس کرنا پڑ رہا ہے۔بہت مجبورا ۔لیکن اسوقت LGBT کے حوالے سے *بچوں کے کھلونے* جو میں نے اپنے گھروں میں دیکھے ہیں ،ہوش اڑا دینے والی صورتحال ہے۔ اس لئے اسے عام کرنا پڑا۔

💣 *کیونکہ اب صورتحال یہ ہے کہ شیطان اور اس کے ساتھی اپنے وار کو کامیاب کرنے کے لیئے ہم سے چار قدم آگے چل رہے ہیں اور ہماری نسلوں کو تباہ کرنے میں لگے ہوئے ہیں*۔

 

💪🏻 *اب کرنا کیا ہے*؟؟؟

 

✅ کرنا یہ ہے کہ یہ ایک *اسلامی ملک* ہے ۔اس ملک میں مسلمانوں میں تو کم از کم ایسی خلاف فطرت عمل کی گنجائش بالکل نہیں ہے ۔ *تو کرنا یہ ہے کہ اپنے روابط اپنے احباب میں اپنے گھروں اپنے بچوں میں اس بات کو مناسب الفاظ میں رکھا جائے اس سے انہیں باور کرایا جائے۔اس کے خلاف ہر پلیٹ فارم پر مناسب الفاظ میں آواز اٹھائی جائے اور حکومت کو مجبور کیا جائے کہ وہ اس کی روک تھام کریں۔جو کہ لازمی ہے کرنا ہے کروانا ہے۔خاموش بیٹھ کر آگ کو اپنے گھر تک پہنچنے کا انتظار نہیں کرنا ہے۔*

 

ورنہ سب تباہ ہوجائے گا اور بچنے بچانے کے لیئے کچھ بھی نہیں ہوگا۔

*اللہ سے ہر دم دعا، اللہ کی رسی کو قرآن،  حدیث کو مضبوطی سے تھامے رکھنا۔خود بھی علم سیکھنا عمل کرنا اور اس بات کو سب کو بتانا کہ اس رسی کو نہیں چھوڑنا۔ورنہ اللہ نہ کرے کہ ہم تباہی کے گڑھے میں اوندھے منہ گریں گے اور بچنے بچانے والا کوئی نہ ہوگا*۔

 

🏳️‍🌈🏳️‍🌈🏳️‍🌈🏳️‍🌈🏳️‍🌈

 

✍🏻 *رابعہ فوزی*

 

*#فکر_مند*

*#گزارش*

*#تشویشناک*   

 

❂▬▬▬๑۩۞۩๑▬▬▬❂

       

 

 

 

 

 

 

 *بچوں میں پائی جانے والی* *اہم بیماری آٹزم یا* ADHD

 *کی علامات اور تشخیص*

 

آپ کے بچے کو بظاہر کوئی جسمانی یا ذہنی معذوری نہیں۔ ماشاءاللہ صحت مند یے۔ اٹھنا بیٹھنا، چلنا پھرنا بھی صحیح وقت پر شروع کیا۔ لیکن پھر بھی آپ کو ایسا لگتا تھا کہ کہیں نہ کہیں کوئی کمی ہے۔

 

گھر کے کاموں اور گھروالوں کی طرح طرح کی باتوں کے بیچ آپ کسی سے ڈسکس بھی نہیں کرپائیں اور پھر جتنے منہ اتنی باتیں۔ تم تربیت ٹھیک نہیں کرتیں، توجہ نہیں دیتیں، یہ نہیں سکھایا وہ نہیں سکھایا، فلاں ڈانٹتا ہے اس لیے ایسا ہوا، فلاں یہ اور وہ کرتا تھا اس لیے یہ بات یوں ہوئی۔ بچہ بدتمیز ہے، بات نہیں سنتا، سنی ان سنی کرتا ہے، ضد کرتا ہے، کوئی گھر آ جائے یا کسی تقریب یا پارک چلے جائیں تو مسئلہ ہوجاتا ہے، الگ تھلگ رہتا ہے یا چیختا چلاتا ہے، لڑتا ہے، لوگوں سے ملتا نہیں ۔ اسکول میں مسائل ہیں، نمبر اچھے نہیں آتے ، اسکول جانے کا شوق نہیں ، آئے روز یا پٹائی ہوجاتی ہے یا کر دیتا ہے۔ وغیرہ وغیرہ۔

ہوسکتا ہے آپ کے بچے کو *آٹزم یا ADHD* ہو یا دونوں ہوں، ساتھ میں کوئی لرننگ ڈس ایبلیٹی ہو۔  گھر والے ، اسکول والے، اردگرد کے لوگ بچے کو نہیں سمجھ پاتے جس کی وجہ سے بچے میں ڈیپریشن، اینزائٹی، غصہ، چڑچڑاپن وغیرہ بھی پیدا ہوگیا ہو۔

 

ہم یہاں مختصرا کچھ علامات بیان کرتے ہیں۔ یاد رہے تمام علامات کا موجود ہونا ضروری نہیں ۔

 

Austism Spectrum Disorder

 

یہ بچے کمیونیکشن میں verbal and non verbal cues نہیں سمجھ پاتے۔ اور دوران گفتگو ہم لوگ جس طرح جذباتی اور تاثراتی اتار چڑھاؤ کا استعمال کرتے ہیں وہ ان بچوں میں کم ہوتا ہے یا نہیں پایا جاتا۔ مثلا

 

آئی کانٹیکٹ سے گریز کرتے ہیں۔

مسکراتے نہیں، یا کم کم مسکراتے ہیں۔

چہرہ عموما جذبات سے عاری یا سپاٹ نظر آتا ہے۔

گرم جوشی کا اظہار مفقود ہو یا odd انداز میں کمیونیکیٹ کریں ۔

سلام کرنا، تھینک یو کرنا، کس بات کے جواب میں کیا کہنا ہے، کیسے تاثرات دینے ہیں ۔ کس سے کس طرح ملنا ہے۔ یہ سب سمجھ نہیں آتا۔

 انہیں بیک اینڈ فورتھ گفتگو نہیں کرنی آتی۔ والدین اور ملنے والوں کو لگتا ہے کہ یہ سب بچہ اپنی عمر کے ساتھ خود سیکھ بھی نہیں رہا اور اسے سکھانا بھی مشکل کام ہے۔

 

الگ تھلگ رہتے ہیں۔ دوسرے بچوں سے گھلنے ملنے میں مسئلہ ہوتا ہے۔ یا آپ کو احساس ہوتا ہے کہ ان کو چاہ کر بھی دوستی کرنا اور ساتھ کھیلنا نہیں آرہا ہے۔

 

بڑے ہوجائیں تو دوستی کرنا، تعلق بنانا اور قائم رکھنا مشکل ہوتا ہے کیونکہ انہیں سوشل، ایموشنل، وربل اور نان وربل کیوز سمجھ میں نہیں آتے۔

 

کسی ایک ہی کھلونے سے کھیلتے ہیں ، کسی ایک ہی طرح کا کارٹون بار بار دیکھتے ہیں۔  کسی ایک موضوع پر ہی بات کرتے ہیں۔ مثلا گھوڑوں پر ہی کارٹون دیکھیں گے، وہی کھلونا لیں گے، صرف اسی پر بات کرنا چاہیں گے۔

مثلا صرف نیلے رنگ کی شرٹ صرف اسپائیڈر مین کی ہر چیز چاہنا۔

تھوڑی تھوڑی تبدیلیوں پر بے حد پریشان ہونا یا تنگ کرنا۔ چیزوں کو بس ایک ہی پیٹرن میں چاہنا۔

 اسکول میں بھی یہی مسئلہ ہوسکتا ہے کہ ٹیچرز کہیں کہ اس موضوع کے علاوہ کسی اور موضوع پر بات کرنا یا کام کروانا بے حد مشکل ہے۔

کسی غیر معمولی سی چیز میں بے حد دلچسپی اور اس اٹیچمنٹ ہوجائے۔

 

Repititive and stereotype movements

کھلونوں اور دوسری چیزوں کو قطار میں لگاتے رہنا۔ تکیہ کلام بنالینا، مثلا کچھ لفظ یا کوئی جملہ بے وجہ بار بار مستقل استعمال کرنا، ایک بے وجہ سی حرکت بار بار کرتے رہنا۔ مثلا انگوٹھا چوسنا، کرسی پر آگے پیچھے جھولتے رہنا۔

 

Hypersensitivity or hyposensitivity  to noise or other sensory modalities.

 

مثلا شور سے، زور سے بولنے سے، زیادہ لوگوں کے ہونے سے زیادہ حساس ہونا ۔ اسکول میں اس لیے مسائل ہوتے ہوں کہ وہاں بہت سارے لوگوں کی وجہ سے رش اور شور ہوتا ہے۔ ذرا سی آواز بہت تیز لگتی ہو۔

تھوڑا سا درد بہت زیادہ محسوس ہوتا ہو۔

اور اس کے برعکس صورت حال بھی ممکن ہے۔ مثلا ہاتھ جل گیا اور ان کو محسوس بھی نہیں ہوا۔

 

 آپ سوچیے کہ ایسے بچوں کو گھر، رشتے داروں، اسکول اور دوسرے بچوں کے ساتھ گفتگو کرنے اور تعلق بنانے میں کس قدر مشکلات کا سامنا ہوتا ہوگا۔ چونکہ انہیں خود اس کا اندازہ نہیں اس لیے وہ کسی کو بتا بھی نہیں سکتے کہ انہیں اصل میں مشکل ہوکیا رہی ہے۔

 

اس وجہ سے وہ لوگوں کے درمیاں آکورڈ بی ہیو کرتے ہیں۔

 

مسائل اور پیچیدگیاں:

 

ایسے بچوں میں obsessions and compulsions بھی بہت عام ہوتے ہیں۔

مثلا کلاس میں جاکر بستہ رکھنے سے پہلے اپنی سیٹ پر تین مرتبہ انگلی سے نادیدہ لکیریں کھینچنا، کوئی فیصلہ کرنے سے پہلے ذہن میں دس تک سیدھی اور الٹی گنتی گننا، جملے کو ایک مخصوص انداز میں ہی لکھنے کے لیے دس بار مٹانا اور لکھنا۔

 

عموما گھر پر اور اسکول پر کسی کو یہ سمجھ نہیں آتے اس لیے ٹیچرز ، باپ یا دادا دادی، نانا نانی اور دوسرے لوگ شکایت کرتے ہوں کہ بات نہیں سنتا ، آنکھ ملا کر نہیں دیکھتا، ضدی ہے، پڑھنے میں دلچسپی نہیں لیتا۔

اور اس وجہ سے بچے کو ڈانٹنا، مارنا پیٹنا، طعنے اور سزائیں دینے کا رواج ہوجایے۔ ماں بچے اور گھر والوں کی وجہ سے کچھ ناسمجھی میں کچھ تھک کر چیخے چلائے، مارے، کوسنے دے، کہے کہ میری قسمت میں کیوں ایسا تھا۔

 

ایسے میں بچوں میں ڈیپریشن، اینزائٹی، ضد، اسکول سے بھاگنا، لڑنا، چڑنا tantrum کرنا آ جائے۔

Self harming

بھی ہوسکتی ہے۔ مثلا خود کو مارنا، سرپیٹنا، سر مارنا، خود کو کاٹنا، وغیرہ

 

کئی بچوں کو اس کے ساتھ کوئی اسپیچ ڈس آرڈر یا لرننگ ڈس آرڈر بھی ہوتا ہے تو اس لیے ان کو لکھا ہوا یا بولا ہوا سمجھنے بیان کرنے یا لکھنے میں مشکلات کا سامنا ہوتا ہے۔ نتیجتا کلاس میں گریڈز خراب ہوتے ہیں۔

 

تشخیص:

 

اگر آپ کے بچے کو یا ٹین ایج کو بھی مسلسل ایسی کسی علامات کا سامنا ہو اور آپ اور بچہ بھی مسلسل تھک رہا ہو، کچھ سمجھ نہ آتا ہو کہ اسے ہوکیا رہا ہے تو آپ معالج سے رابطہ کریں۔

اس کی تشخیص کے لیے پیڈیاٹریشن یا چائلڈ سایکاٹرسٹ سے رابطہ کریں۔ اس کے لیے خون یا دماغ کے اسکین سے مدد نہیں ملتی لیکن اگر آٹزم کے علاؤہ کوئی مسئلہ ہو تو اس کا پتہ چل جاتا ہے۔ سایکولوجسٹ اس کے لیے تفصیلی سائکومیٹرک ٹیسٹس کرتے ہیں۔ یہ ٹیٹس ضرور کروانے چاہییں۔

 

علاج :

 

آٹزم کی باقاعدہ کوئی ایسی دوا نہیں ہے جس سے اس کا کیور ممکن ہو۔ البتہ اس کی  مختلف علامات یا پیچیدگیوں کی شدتوں کو کنٹرول کرنے کے لیے کچھ دوائیں استعمال کی جاتی ہیں ۔

بچے کی اسکل ٹریننگ کی جاتی ہے۔

بچے کی behavior therapy کی ضرورت پڑتی ہے اگر ضد، چڑچڑا پن، self harming behavior ہو۔

 

ماں باپ کی خاص پیرنٹنگ کورس یا کاونسلنگ کی جاتی ہے۔ 

اسکول سے رابطہ کرکے ان کو بچے کی ضرورتوں کے بارے میں آگاہ کیا جاتا ہے اور اسکولوں اس بارے میں سپورٹ کرنا چاہیے۔

ہمارے یہاں ہم اسکول سے بات کرتے ہیں کہ بچے کو ٹائم آؤٹ کا موقع دیا جائے۔ یعنی جب وہ شور یا ہجوم وغیرہ سے overwhelmed ہو تو اسے پانچ دس منٹ کلاس روم سے باہر کسی خاموش اور پرسکون جگہ جاکر بیٹھنے کا موقع دیا جائے۔  ہیڈ فون/ائیر بڈز استعمال کرنے دیے جائیں۔ ہوم ورک کے سلسلے میں خاص مدد دی جائے، ہوم ورک جمع کروانے میں آسانی دی جائے۔  امتحانات اور ٹسیسٹس میں آسانی دی جائے۔

 

بچے کو ووکیشنل ٹریننگ یعنی ہنر سکھانے کا انتظام کیا جایے۔

یہ بھی ممکن ہے کہ بچہ پڑھنے لکھنے میں بہت تیز ہو مگر ملنے جلنے اور سوشل کیوز سمجھنے میں مشکل پیش آتی ہو۔ کم گو، الگ تھلگ، شور و غل سے پریشان اپنی مخصوص دنیا میں رہنا پسند کرتا ہو۔

 

آٹزم کو کبھی کبھی new normal بھی کہا جاتا ہے۔ اس کا مقصد یہ ہے کہ اگرچہ ان بچوں کو کچھ پہلوؤں سے مسائل کا سامنا ہوتا ہے مگر آپ یہ نہ سمجھیں کہ وہ باصلاحیت نہیں ہیں۔

والدین اور ہم سب کو یہ سمجھنا اور سیکھنا ہوگا کہ ہر شخص الگ شخصیت اور الگ صلاحیت لے کر پیدا ہوتا ہے۔ صرف اس لیے کہ کوئی شخص اکثریت کی طرح نہیں ہے، اس کو ایک مصیبت نہیں سمجھنا چاہیے۔ ہم سب کو اس بچے کے ساتھ رہنا اور اس کو سپورٹ کرنا سیکھنا چاہیے۔

 

تحریر،، ڈاکٹر جویریہ سعید

انتخاب،، عابد چوہدری

 

 

❂▬▬▬๑۩۞۩๑▬▬▬❂

         

 

 

 

 

 

 پچھلے سال عید کے مہینے میں خاندان میں دو فوتگیاں ہوئیں اس کے کچھ ماہ بعد ایک اور۔۔

یہ تینوں ایسے افراد تھے جن سے بچوں کے تعلقات اچھے تھے۔

ان کا فوت ہونا پھر دفنانا، اور اس کے بعد قبر سب بچوں کے سامنے ہی تھا۔

اس پہ بچوں کے سوالات۔۔۔۔

ہم نے بھی روایتی انداز سے ہٹ کے انہیں سب بتانا شروع کر دیا کہ بچوں سے غلط بیانی نہیں کرنی چاہیے۔ یہ سوچے بغیر  کہ اس کا ان کی نفسیات پہ گہرا اثر مرتب ہو گا۔

وقتاً فوقتاً بچے مرنے اور قبر کے متعلق سوالات تو کرتے ہی رہے مگر ایک ہفتہ پہلے امیر محمد زاریان جو کے ساڑھے چار سال کے ہیں وہ قبرستان کے پاس سے گزر رہے تھے تو  انہوں نے کہا کہ مما جانی میں قیوم نانا کی قبر کے پاس جا کے فاتحہ پڑھوں گا میں نے جانے دیا اور اسکا انتظار کرنے لگی واپس آ کے ایک بار پھر ڈیٹیل لینا شروع کر دی۔۔

مما جانی لوگ مرتے کیسے ہیں۔۔

میں نے بتایا کہ کوئی بیمار ہوتا ہے کسی کے ساتھ کوئی حادثہ پیش آ  جاتا ہے اور  کوئی اچانک۔۔

کہنے لگے کہ اور کوئی منہ میں بنٹا (بلور) ڈالے تو گلے میں پھنس کے وہ بھی مر جاتا ہے۔ (ہاتھ میں بنٹا بھی تھا)

میں نے بتایا کہ نہیں اگر یہ گلے میں چلا جائے تو نکل بھی سکتا ہے اس سے موت واقع ہونا ضروری نہیں۔۔

اس کے بعد گھر آ کے بھی اس کے سوالات جاری تھے۔۔ اپنی پھوپھو کو کہنے لگا عینی جانی میں مروں گا؟ انہوں نے کہا بیٹا ہم سب مریں گے ایک دن۔۔۔ کہنے لگا کہ جب ہم مریں گے تو ہمارے کپڑوں کا کیا ہو گا انہوں نے کہا کہ وہ دے دیتے ہیں نا اور لوگوں کو تاکہ مرنے والے کو ثواب ہو اور میرے پیسے۔۔۔ اس وقت جیب میں پیسے بھی تھے۔۔

یہ پیسے بھی دوسروں کو دے دیتے ہیں۔۔

ہمیں جنت میں اس کے بدلے میں بہت اچھی اچھی چیزیں اور انعام ملتا ہے۔۔

اس دن تو بات ختم ہو گئی اگلے دن پھر کہنے لگا مما جانی ہم مریں گے۔۔

میں نے کہا کہ شہزادے مرنا تو سب نے ہے مگر آپ اللہ پاک سے دعا کریں کے "یا اللہ جی ہم سب کو صحت و ایمان والی لمبی زندگی دیں" کہنے لگا مما جانی آپ دعا کریں کہ "اللہ جی جب ہم مریں تو ہمیں قبر میں نہ ڈالیں" اس کی یہ بات سن کے مجھے جھٹکا لگا مگر میں نے سمجھایا کہ شہزادے مرنے کے بعد قبر میں ہی ڈالتے ہیں مگر جو لوگ اچھے اور نیک کام کرتے ہیں ان کی قبر جنت بن جاتی ہیں وہ وہاں خوش ہوتے ہیں۔۔ (جنت دوزخ کے بارے میں ہماری اکثر ڈسکشن ہوتی ہے)

کہنے لگا تو مما جانی کیا قیوم ماموں کی قبر جنت ہے میں نے کیا جی بلکل۔

مما جانی اللہ جی تو بہت اچھے ہیں پھر وہ مارتے کیوں ہیں۔۔

میرے پیارے! یہ اللہ جی کا قانون ہے نا! روح سے کیا گیا وعدہ ہے جسے پوراکرنا ہے۔ اور دیکھیں اگر ہم مریں گے نہیں تو جنت کیسے دیکھیں گے جنت میں جانے کے لئے اچھے اچھے  کام کرنے کے ساتھ مرنا بھی ضروری ہوتا ہے۔

اس کے بعد کافی دن تک پھر اس ٹاپک پہ بات نہیں ہوئی۔

اس کے دل میں قبر کا جو خوف تھا وہ جنت والی بات سے کلئیر ہو چکا تھا۔

اس کے علاوہ کراما کاتبین کے بارے میں ہماری ڈسکشن ہوتی ہے کہ ہم جو کام کرتے ہیں وہ اس کی لسٹ تیار کرتے ہیں۔ ہمارے اچھے کاموں سے وہ بہت خوش ہوتے ہیں یہ لسٹ جب وہ اللّہ تعالیٰ کو دکھاتے ہیں تو اللہ تعالیٰ ہمیں انعام دیتے ہیں۔

یہ ہم پہ منحصر ہے کہ ہم بچوں کے دلوں میں اللہ کی محبت پیدا کریں یا خوف۔۔

اس طرح بہت سے والدین کو ایسی سچویشن اور مختلف قسم کے سوالات کا سامنا کرنا پڑتا ہے۔

 *ہمیں چاہیے کہ ہم بچوں کو ہر پل اللّہ کی موجودگی کا احساس دلا کر اچھائی کے طرف راغب کریں اور جنت کے حصول کے لئے ان سے* *نیک کام کروائیں* ۔

 *بچوں کو جہنم کے بارے میں بھی بتائیں کہ وہ کتنی خوفناک جگہ ہے اور وہاں* *کون لوگ جائیں گے* ۔

 *ایسے بہت سے تربیتی* *طریقے ہیں جن سے ہم* *بچوں کے دلوں میں اچھائی سے محبت اور برائی سے* *نفرت پیدا کر سکتے ہیں۔۔*

 

تحریر،، صفورہ نثار

انتخاب،، عابد چوہدری

 

برائے مہربانی اس تحریر کو شئیر یا فاروڈ کیا جائے

 

❂▬▬▬๑۩۞۩๑▬▬▬❂

         

 

 

 

 

 

 *السلام علیکم ورحمتہ اللہ وبرکاتہ*

 *امید ہے آپ سب صحت اور ایمان کی بہترین حالتوں* *میں ہونگے*

 

🌼 *معزز ممبران سے گزارش* 🌼

 

 *معزز ممبران واٹس ایپ نے گروپ کے ممبران کی تعداد 257 سے بڑھا کر 512 کر دی ہے۔*

 

 *صدقہ جاریہ کا مستقل حصہ بننے اور گروپ کو مکمل کرنے کیلئے آگے بڑھیں ہر گروپ ممبر کم از کم ایک ممبر ضرور بنائے*

 

 *آئیے! اس اس صدقہ جاریہ کا مستقل حصہ بننے کیلئے اس نیکی کے کام میں تعاون* *کریں ہر ممبر اس گروپ لنک کو زیادہ سے زیادہ احباب اور مقامی* *گروپس میں شئیر کرکے اس صدقہ جاریہ کا مستقل* *حصہ بن جائیں* 

 

 *جیسا کہ آپ کو معلوم ہے کہ ہم اپنے گروپوں میں روزانہ بچوں کی تربیت کے حوالے سے والدین اور* *اساتذہ کے کیلئے مواد ارسال کرتے ہیں تاکہ ہمارے معاشرے کو اچھے مسلمان اور ذمہ دارشہری میسر ہو* *سکیں اور موضوع سے ہٹ کر کوئی پوسٹ نہیں کی جاتی اور ممبران کی سہولت کے لیے پوسٹس کی تعداد بھی محدود*

 *امید ہے ہر ممبر گروپ مکمل کرنے کی ضرور کوشش کرے گا۔*

 *جزاک اللہ خیرا*

 

 ✨ *منجانب ایڈمن مجموعات تربیہ*✨

 

 

 

 

 

 *اپنے بیٹوں کی پرورش میں یہ چند غلطیاں کبھی مت کیجیے گا:*

 

اولاد چاہے بیٹا ہو یا بیٹی اللہ کی دَین ہوتی ہے اور دونوں کی ہی تربیت میں کسی بھی قسم کی کوتاہی ایک خاندان کی نہیں بلکہ معاشرے کے نقصان کا سبب بنتی ہے۔۔۔لیکن ہمارے معاشرے میں تربیت کا حقدار صرف بیٹیوں کو ہی مانا جاتا ہے اور کہا جاتا ہے کہ انہوں نے ہی تو گھر سنبھالنا ہے۔۔۔انہوں نے ہی تو اگلے گھر جانا ہے۔۔۔لیکن سچ تو یہ ہے کہ اس بھرم اور اس کوشش میں ہم اپنے بیٹوں کی تربیت میں کچھ ایسی بنیادی غلطیاں کر بیٹھتے ہیں جس کا خمیازہ آنے والی کئی نسلیں بھی پورا نہیں کر پاتیں۔۔۔

 

 *بیٹوں کے جذبات پر پابندی نا* *لگائیں*

ہمارے معاشرے کا المیہ یہ ہے کہ ہمارے یہاں رونے والی آنکھیں صرف بیٹیوں کی بنا دی گئی ہیں۔۔۔غم اور دکھ یا تکلیف کے اظہار کا حق صرف بیٹیوں کو دے دیا گیا ہے۔۔۔۔لیکن آپ کا بچہ چاہے کسی بھی عمر کا ہے اسے ہر جذبے کے اظہار کا بھرپور حق دیں۔۔۔اکثر مائیں یا گھر کے بڑے بوڑھے بیٹوں کو چوٹ لگنے پر یہ کہتے ہیں۔۔۔مرد بن مرد۔۔۔لڑکیوں کی طرح کیوں رو رہے ہو۔۔۔اتنی سی تکلیف پر رو رہے ہو۔۔۔رونا مت کیونکہ مرد روتے نہیں۔۔۔یاد رکھیے! بیٹوں کو اگر اپنے ہی درد کی شدت محسوس نہیں ہوگی تو وہ کسی اور کی تکلیف کا اندازہ کیسے لگا پائیں گے۔۔۔ان کے دل کو سخت مت کیجیے۔۔۔کیونکہ کل کو وہ اپنی بہن ، بیوی اور بیٹی کے آنسوؤں کی تڑپ سے بھی نا واقف ہی رہیں گے۔۔۔

 

 *گھر کے کاموں میں ان کی مدد* *لیں*

اکثر دیکھا گیا ہے کہ بیٹیاں چھوٹی بھی ہوتی ہیں تو ان سے دسترخوان اٹھوانا، پانی پلوانا، برتن لگوانا جیسے کام کروائے جاتے ہیں تاکہ کل کو انہیں سارے کام کرنے کی عادت ہو۔۔۔لیکن یہ کہاں لکھا ہے کہ لڑکوں سے یہ کام نہیں کروانے چاہییں۔۔۔اپنے بیٹوں کو چھوٹی عمر سے عادت ڈالیں کہ وہ اپنی چیز واپس جگہ پر رکھیں، کمرے کو اگر پھیلائیں تو واپس سمیٹیں بھی، برتن کھانے کے بعد کم سے کم کچن یا سنک تک پہنچائیں، ڈسٹنگ، جھاڑو جیسے کام کروائیں تھوڑے تھوڑا کرکے۔۔۔اور جب ٹین ایج میں پہنچے تو کپڑے خود استری کروائیں اور ان سے کچن کے کام بھی کروائیں۔۔۔انہیں بچپن سے یہ احساس دلائیں کہ گھر کی ذمہ داری لڑکے اور لڑکی کی تفریق سے بے نیاز ہے ۔۔ساتھ ہی ان میں یہ احساس بھی پیدا ہوگا کہ کوئی کام کرنے میں شرم محسوس نا کریں۔۔۔

 

 *دوسروں کے لئے مدد کا جذبہ* *پیدا کریں*

اپنے بیٹوں کو بار بار یہ احساس دلائیں کہ انہوں نے کبھی بھی کسی کی مدد کرنے میں پیچھے نہیں ہٹنا۔۔۔اور یہ کرنے کے لئے آپ کو عملی مثال بننا پڑے گا۔۔۔ماں اور باپ دونوں کو ہمیشہ لوگوں کی مدد کے لئے خود تیار رہنا ہوگا اور یہ جذبہ انہیں دیکھ کر بے اختیار بچوں میں منتقل ہوگا۔۔۔اس کی بنیاد میں سب سے پہلے یہ احساس ڈالیں کہ جب کوئی بڑا کھڑا ہو تو اس کے سامنے بیٹھنا نہیں ہے بلکہ اسے جگہ دینی ہے۔۔۔کسی کے ہاتھ میں سامان دیکھے تو انہیں پوچھے کہ کیا میں آپ کا ہاتھ بٹا سکتا ہوں۔۔۔اس سے پودے لگوائیں۔۔۔نا صرف اپنے گھر کے باہر کا کچرا بلکہ کچھ کچھ پڑوسیوں کے گھر کے باہر کا کچرا بھی صاف کروائیں۔۔۔جب ٹین ایج میں آئیں تو ان سے خون بھی دلوائیں اور انہیں مختلف فلاحی اداروں میں لے جاکر ان کے ہاتھ سے دوسروں کی مدد کروائیں۔۔۔

 

 *رشتوں کا احترام*

بظاہر بہت معمولی لگے گا لیکن حقیقت میں یہ سب سے اہم نکتہ ہے بیٹوں کی تربیت کا۔۔۔گھر اور باہر کے ہر چھوٹے بڑے رشتے کا احترام سکھائیں۔۔۔خاص طور پر لڑکیوں کی عزت کرنے کا درس دیں اور انہیں دینی مثالیں دیں تاکہ ان میں نا صرف اپنے گھر کی بلکہ دوسروں کی بہنوں اور بیٹیوں کی حفاظت اور عزت کا احساس زندہ رہے۔۔۔باپ کو چاہیے کہ بیٹے کے سامنے ہمیشہ اپنی بیوی یعنی اس کی ماں کو احترام اور عزت سے پکاریں۔۔۔تاکہ اسے یہ پتہ چلے کہ اس کا بھی یہی رویہ ہو خواتین کے ساتھ-

 

 *ایک بیٹے کی ماں در حقیقت کسی اور کی بیٹی کے شوہر اور آنے والی ایک نسل کے باپ کی* *پرورش کر رہی ہوتی* ہے۔۔۔ایک ایسے انسان کی تربیت کر رہی ہوتی ہے جس سے معاشرے کی باقی لڑکیوں کو احساس تحفظ حاصل ہو ۔۔۔اس لئے یاد رکھیے کہ آپ کی ذمہ داری سب سے بھاری ہے۔

 

انتخاب،، عابد چوہدری

 

برائے مہربانی اس تحریر کو شئیر یا فاروڈ کیا جائے

 

❂▬▬▬๑۩۞۩๑▬▬▬❂

       

 

 

 

 

 

*بیٹیوں کے والدین کیلئے رہنما تحریر* 🍂

 

*پوچھا گیا کہ بیٹی جب بڑی ہونے لگے تو اس کو بلوغت کے حوالے سے کیا بتایا جائے، کتنا بتایا جائے، اور کیسے* *بتایا جائے؟*

 *اور بتایا بھی جائے یا* *نہیں* ؟

  میں نے سوچا نہیں تھا کہ اس موضوع پر بھی قلم کشائی کروں گی، لیکن بات یہ ہے کہ بیٹیوں کی مائیں اس سلسلے میں گائیڈ لائن چاہتی ہیں۔ میری نہ بہن ہے، نہ بیٹی۔۔ اور پبلک فورم پر ایسی بات کرتے کچھ فطری حجاب بھی مانع  ٓاتا ہے۔۔۔ پھر بھی لکھ رہی ہوں کیونکہ مائیں اس سلسلے میں رہنمائی چاہتی ہیں۔

 

بچیاں جب بڑی ہونے لگیں تو ماں یا بڑی بہن کے لئے بہتر یہی ہے کہ وہ آنے والے دنوں میں رونما ہونے والی تبدیلیوں کے بارے میں بچی کو آگاہ کریں۔ خود اس لیے کہ اگر آپ نہیں بتائیں گی، تو شاید کوئی سہیلی بتائے گی۔ اس کی ہم عمر بچی اس کو اپنا تجربہ ہی بتائے گی، جس سے عین ممکن ہے کہ آپ کی بچی کچھ ڈر جائے۔ بہتر ہو کہ بچی کو ڈرائے بغیر اسکو بتایا جائے کہ لڑکی بالغ ہونے کی نشانی کیا ہے۔ اسکو کہیں کہ یہ دن تو سیلیبریشن کا دن ہو گا کہ میری بیٹی ما شاء اللہ اب بڑی ہو گئی ہے۔ ہم کیلنڈر پر اس تاریخ پر سٹار بنائیں گے (اس سے اگلے ماہ کی تاریخ یاد رکھنے میں بھی آسانی ہو گی)، کیک بنائیں گے،آپ چاہیں تو اکیلے واک پر جائیں گے۔ (ٹرانسپیرنٹ نیل پالش اور لپ گلاز کا تحفہ بھی دیا جا سکتا ہے "بڑے" ہونے کا سیلیبریٹ کرنے کے لئے) تھوڑی discomfort کے لئے بھی بیٹی کو تیار کریں کہ  کمر، پیٹ، یا ٹانگوں میں ذرا تکلیف ہو گی تو اس کے لئے گرم پانی کی بوتل سے ٹکور کی جا سکتی ہے، دارچینی والا قہوہ، ہلدی دودھ، یا سوپ پیا جا سکتا ہے، اور ہلکی پھلکی واک سے بھی درد میں کمی ٓاتی ہے۔ یہیں انہیں یہ بھی بتائیں کہ سائیکل شروع ہونے سے ایک دو دن پہلے ہی شاید discomfort شروع ہو جائے، یا سفید سی رطوبت خارج ہو۔ یہ نارمل ہے۔

 

اگر ماما/آپی پاس نہ ہوں تو کیا کرنا ہے؟ اگر اس وقت سکول میں ہوں تو گھبرانا نہیں ہے۔ ٹیچر سے علیحدگی میں بات کر لیں۔ اگر بالفرض اپنی کسی سہیلی کے گھر ہوں تو اس کی امی سے بات کر لیں۔ کہیں باہر ہوں جیسے ریسٹورنٹ وغیرہ تو باتھ روم میں کافی سارا ٹشو لے کر اسکو فولڈ کرتی جائیں تا کہ ایمرجینسی والا وقت ٹل جائے۔ جب ذکر چھڑ ہی گیا ہے توبچی کے ساتھ مل کر گھر میں موجود اشیاء سے ایک چھوٹا سا پرس/والٹ بنا لیں جس میں ضرورت کی چیزیں رکھ کر وہ سکول بیگ میں رکھ لیں۔

 

یہ بھی سمجھانا پڑے گا کہ اب چونکہ وہ بڑی ہو جائیں گی، تو ذمہ دار بھی ہونا پڑے گا۔ ویسے بھی ماما کے لئے ممکن نہیں کہ اس سلسلے میں وہ ان پر چیک رکھیں۔ صفائی کو ہمارے دین میں بہت اہمیت حاصل ہے اور ایک سمجھدار لڑکی اپنی ہائیجین کا بہت خیال رکھتی ہے۔ اسلئے بہت زیادہ دیر ایک ہی نیپکن نہیں رکھنا بلکہ حسبِ ضرورت تبدیل کرنا ہے، اور اسکو احتیاط سے ٹشو میں لپیٹ کر باسکٹ میں ڈسپوز ٓاف کرنا ہے کہ گھر کے مردوں کی نگاہ نہ پڑے۔۔۔ بہتر ہو کہ پھینکنے سے پہلے اس پر کافی سارا پانی بہا دیا جائے اور پھر لپیٹ کر پھینک دیں۔ کراہیت محسوس ہو تو دستانے پہن لیں۔ جسمانی صفائی کے لئے میرے خیال میں ویکسنگ بہترین ہے۔ کیمسٹ سے numbing cream ملتی ہے۔ جس جگہ لگائیں، وہ حصہ سن ہو جاتا ہے۔ جب تک جلد عادی نہ ہو جائے، یہ کریم لگا کر ویکسنگ کی عادت شروع سے ہی ڈالی جائے۔

 

بلوغت کے ساتھ آنے والی جسمانی تبدیلیوں کے بارے میں ٓاگاہ کرنا بھی ضروری ہے اور پھر یہ تاکید کہ دوپٹہ اچھی طرح پھیلا کر لینا شروع کرنا ہے۔ کبھی ماموں کے ساتھ لٹکنا، کبھی چاچو کی گود میں بیٹھنا، لڑکے کزنز کے ساتھ زیادہ بےتکلفی۔۔۔ اس کے بارے میں محتاط رہنا ہے۔ نئی جسمانی ساخت کے اعتبار سے موزوں انڈر گارمنٹس کا بھی اہتمام کیا جائے اور جاذب نرم کاٹن کی چیزیں لی جائیں (بنیان والا کپڑا) اور رات کے وقت ہر قید سے آزاد ہو کر کھلے ڈھیلے کپڑوں میں سونے کی عادت ڈالیں۔ اور پھر بات صرف جسمانی تبدیلیوں ہی کی نہ ہو، ہارمونز کے اتار چڑھاؤ کی وجہ سے غصہ ٓانا، چڑچڑا پن، رونا ٓانا بھی نارمل ہے تو بچی کو یقین دلائیں کہ اس سفر میں ٓاپ اسکے ساتھ ہیں۔

 

انہی تبدیلیوں میں ایک چہرے پر دانے نکلنا بھی ہے۔ اسکی وجہ سے بچے اکثر احساسِ کمتری کا شکار ہونے لگتے ہیں۔ گھر کی بنی صاف غذا، ڈھیر پانی، اور صفائی کا خیال رکھنے کے باوجود بھی دانے نکل سکتے ہیں۔ بچے کو اسکے لیے تیار بھی رکھیں، یہ بھی بتائیں کہ آپکا دل اور اخلاق خوبصورت ہونا زیادہ اہم ہے، اور ساتھ ہی اگر ضرورت سمجھیں تو dermatologist کو دکھا لیں۔

 

بچیاں اپنی ہم عمر سہیلیوں کے ساتھ موازنہ کرتی ہیں اور بعض اوقات پریشان ہو جاتی ہیں۔ انہیں سمجھائیں کہ تین سے لے کر سات دن تک جو بھی دورانیہ ہے، وہ ٹھیک ہے۔ اسی طرح بہاؤ کم یا زیادہ ہونا بھی، اور ایک سائیکل سے دوسرے سائیکل کا درمیانی وقفہ بھی مختلف لوگوں کے لیے مختلف ہے۔

 

سائیکل ختم ہونے پر طہارت حاصل کرنے کے بارے میں تفصیل سے ٓاگاہ کرنا بہت ضروری ہے۔ دل میں پاکی کی نیت کر کے مسنون طریقے پر وضو کریں۔ پھر سر اچھے طریقے سے دھو کر بدن پر دائیں طرف اور پھر بائیں طرف پانی بہائیں اور ملیں۔ نیل پالش وغیرہ لگائی ہو تو اتار دیں تا کہ جسم کا کوئی عضو گیلا ہونے سے رہ نہ جائے۔

 

یہ بھی بتایا جائے کہ طہارت حاصل کرنے تک نماز کی مکمل چھٹی ہے اور اسکی قضا بھی نہیں پڑھنی، قرآن کو بھی نہیں چھونا اور پڑھنا، ہاں صبح شام کے اذکار کر لیے جائیں۔ روزے بھی نہیں رکھنے کیونکہ اللہ تعالی ہمیں کمزور نہیں کرنا چاہتے تو اچھا ہیلتھی کھانا اور خوب پانی پیتے رہنا ہے۔ یہ ہے اللہ کی محبت اسکی مخلوق سے! روزوں کی قضا بعد میں پوری کر لی جائے (جس سے یاد ٓایا کہ یہ مہینے بہترین ہیں قضا روزے رکھنے کے لیے۔ اللہ سب کو توفیق دیں)

 

پوری بات بتانے کے بعد اسکو ایک نرم سی گرم سی جپھی ڈالیں اور بتائیں کہ ٓاپ بہت خوش ہیں اور انتظار کر رہی ہیں کہ کب مل کر سیلیبریٹ کریں گی ، اور پھر ماما بیٹی کی اپنی سیکرٹ باتیں ہونگی۔ مل کر سب عبادات ہونگی۔ خوب مزے ہونگے! اسکے سامنے بار بار یہ نہ کہیں کہ ہائے، ہماری بچی ساری عمر کے لئے پھنس گئی اس مصیبت میں۔ اسکے دل میں اچھے خیال ڈالیں اور یقین دہانی کروائیں کہ ٓاپ ہر حال میں اسکے ساتھ ہیں۔

 

تحریر،، نیّر تاباں

انتخاب،، عابد چوہدری

 

برائے مہربانی اس تحریر کو شئیر یا فارورڈ کیا جائے

 

 *تحریر لمبی ہونے کی وجہ سے بعض موبائل پہ مکمل* *تحریر شئیر نہیں ہو پاتی*

 *ایسے ممبران بقیہ تحریر* *کیلئے ایڈمن سے رابطہ* *کرکے بقیہ تحریر حاصل* *کرسکتے ہیں*

 

❂▬▬▬๑۩۞۩๑▬▬▬❂

          *🌸Join🌸*

 

   🇵🇰 اپنے بچوں کی اچھی تربیت اورتربیہ گروپ کی مزید تحریریں ،ویڈیوز اور اصلاحی اور سبق آموز *کہانی* حاصل کرنے اور واٹس ایپ گروپ جوائن کرنے کیلئے اس نمبر پر *تربیہ* لکھ کر واٹس ایپ میسج کریں

#parents #parenting #family #kids #love #children #baby #education #momlife #parenthood #mom #motherhood #dad #teachers #school #parentingtips #learning #students #familytime #mother #maman #child #dadlife #babies #babyboy #life #happy #covid #parent #babygirl 

#instagood #newborn #fun #instagram #famille #bebe #dads #toddler #fatherhood #b #moms #father #mum #mumlife #teacher #enfants #photography #toddlers #pregnancy #momsofinstagram #preschool #pregnant #childcare #smile #daddy #mentalhealth #parentlife #papa #like #cute