Home Page Urdu Islamic Article HR Email Ids Zikar Azkaar
Namaz Quran & Tableegh School HR ID Ulema Ikram Bayanat
Listen Quran Majeed Read Quran Majeed Social Media Ramzan
Khulasa Quran Majeed Latest jobs Karachi School Free Islamic Gift
*بچے سے یہ مت کہیں کہ دیوار پر نقش و نگار بنا کر اسے گندا مت کرو*
۔بلکہ کہیں پیپر پر یہ نقش و نگار بناو جب بنا لو گے تو ہم اسے دیوار فریج یا تختہ پر سجائیں گے
*بچے سے ایسے نہ کہیں کہ نماز پڑھو ورنہ سیدھے جہنم میں جاو گے بلکہ کہیں کہ آو اکٹھے ایک ساتھ نماز پڑھیں تاکہ ہم جنت میں بھی* *اکٹھے ہو جائیں*
بچے سے یہ نہ کہیں کہ اٹھو اور اپنا کمرہ صاف کرو کیا جنگل بنا رکھا ہے بلکہ یہ کہیں کہ بیٹا کیا کمرے کی صفائی میں کوئی مدد چاہییے کیوں کہ تم تو ہمیشہ صفائی اورسلیقہ کو پسند رکھتے ہو ۔
بچے سے یہ مت کہیں کہ کھیل کود چھوڑو پڑھائی کرو پڑھائی بہت اہم ہے بلکہ کہیں کہ اگر آپ نے آج پڑھائی جلدی مکمل کرلی تو میں آپ کے ساتھ کھیلوں گی یا ایسی کسی بھی سرگرمی کا حوالہ دیں جو اسے پسند ہو
بچے سے یہ نہ کہیں اٹھو اور دانت برش کرو میں تمہیں حکم دے رہی ہوں بلکہ کہیں کہ میں تم سے بہت خوش ہوں اس لیے کہ تم ہمیشہ میرے کہے بغیر دانت صاف کرلیاکرتے ہو۔
*بچے سے یہ نہ کہیں کہ بائیں کروٹ مت سویا کرو بلکہ کہیں کہ ہمیں رسول اللہ ﷺ نے سکھایا ہے کہ ہم دائیں* *کروٹ سویا کریں*
بچے سے مت کہیں کہ چاکلیٹ نہ کھایا کرو تاکہ دانتوں میں کیڑا نہ لگے بلکہ کہیں کہ میں نے دن میں ایک بار چاکلیٹ کھانے کی اجازت اس لیے دی ہے کہ میں جانتی ہوں تم بہت سمجھہدار ہو اپنے دانتوں کی صفائی کا خوب خیال رکھتے ہو
یاد رکھیے کہ ہر ہر لفظ اور ہر کام جو آپ کرتے ہیں وہ *بچے کو بے حد متاثر کرتا ھے اور یہ بھی یاد رکھیں کہ آپ کا بچہ آپ کی سیرت و* *اخلاق بلکہ آپ کا اپنا ہی عکس ھے*
انتخاب،، عابد چوہدری
برائے مہربانی اس تحریر کو شئیر یا فارورڈ کیا جائے
❂▬▬▬๑۩۞۩๑▬▬▬❂
*کہانی زبانی*
📓 *سلسلہ سچی کہانی*
*طاؤس یمنی*
*🍃روزانہ رات کو اس گروپ میں بچوں کی تربیت کے لئے کہانی بھیجی جاتی ہے... جو مائیں انکو سونے سے پہلے سنا سکتی ہیں.*
❂▬▬▬๑۩۞۩๑▬▬▬❂
*🌼Join🌼*
🇵🇰 اپنے بچوں کی اچھی تربیت اورتربیہ گروپ کی مزید تحریریں اور ویڈیوز اور روزانہ اصلاحی اور سبق آموز *کہانی* حاصل کرنے اور واٹس ایپ گروپ جوائن کرنے کیلئے اس نمبر پر *تربیہ* لکھ کر واٹس ایپ میسج کریں
03459277238
❂▬▬▬๑۩۞۩๑▬▬▬❂
⬇️
7/15/22, 6:49 PM - +92 318 2632632: *بچوں کی تربیت کا آسان طریقہ*
آپ کا بچہ جب اسکول جا رہا ہو اور آپ اسے رخصت کر رہی ہوں تو اس کے ٹفن میں کھانے کی چیز دو عدد رکھیں اور اس سے کہیں : ایک تمہارے لیے ہے اور دوسری تمہارے سب سے محبوب دوست کے لیے.
*اس طرح آپ کا بچہ محبت اور احسان کا سبق سیکھے* *گا* .
بچے کے بیگ میں قلم ایک سے زائد رکھیں اور اس سے کہیں : اگر کوئی اسٹوڈنٹ اپنا قلم بھول جائے تو آپ مدد کے طور پر یہ قلم اس کو دے دینا.
*اس طرح آپ کا بچہ اپنی ذمہ داریاں اور دوسروں کی مدد کرنے کا جذبہ سیکھے* *گا* .
جب بچہ گھر واپس آئے تو اسے بتائیں کہ اس کے آنے سے گھر کی رونق بڑھ جاتی ہے.
*اس طرح اسے اپنی قدر و قیمت کا اندازہ ہوگا.*
*جب وہ گھر لوٹے تو اس سے پوچھیں : آج آپ نے سب سے اچھا کام کیا کیا ہے ؟*
اس طرح اسے اچھے برے کی تمیز ہوگی اور اگلی بار وہ آپ کے بغیر پوچھے آپ کو بتائے گا.
تربیت ایک سادہ اور آسان سا فن ہے، زبان سے لمبی چوڑی تقریر کرنے کا نام تربیت نہیں ہے.
(ایک عربی تحریر ترجمہ )
انتخاب،، عابد چوہدری
اس تحریر کو شئیر یا فارورڈ کیا جائے
❂▬▬▬๑۩۞۩๑▬▬▬❂
*
اولاد کو اللہ کا فرمانبردار بنانے کی کوشش کیسے کی جائے ۔۔۔*
بحثیت والدین سب سے اہم چیز اپنی نیت کی اصلاح کرنا ہے، کسی کے لئے برآ نہ سوچا جائے ، دوسروں کے لئے اپنے دل کو صاف رکھا جائے ، والدین کی نیت اولاد پر بہت اثر رکھتی ہے
*خیر بانٹنے، دوسروں کی خیر چاہئے سے خیر ہی پلٹ کر آتی یے*
کسی سے کیسا شکوہ یا تکلیف والا معاملہ ہو ، اللہ کی رضا کے لئے ، اللہ سے اس سخت دن کی معافی کی امید میں لوگوں کو سچے دل سے معاف کر دیا جائے
دوسروں کی کامیابیوں پر دل سے خوش ہوا جائے ، دوسروں کے مسائل پر دل سے دعا کی جائے ۔۔۔۔
*دوسری اہم چیز اپنے والدین کے حقوق ادا کئے جائیں، ان* *کے ساتھ بھلائی والا معاملہ کیا جائے ، ان کی دعائیں* *سمیٹے جائیں ، یہ بہت اہم* نکتہ ہے
اور پھر یہ کہ خود اللہ کی ہر طرح کی نافرمانی سے بچا جائے، جیسا ہم اپنی اولاد کو دیکھنا چاہتے ہیں، ویسا ہی خود بنتے جائیں، نہ دھوکہ دیں، نہ جھوٹ بولیں، نہ امانت میں خیانت کریں اور خود اللہ کے حقوق اور لوگوں کے حقوق ادا کرنے کی پابندی کریں
آدھی تربیت یہی یے ۔۔۔۔۔
پھر یہ کہ ان کے ساتھ روز ایک حلقہ لگایا جائے ، جس میں ان کی تربیت کی جائے ، سارا دن دنیا دیکھ کر اور دنیا سن سن کر جو دنیا کی محبت دل میں پیدا ہوتی یے ، اس گرد کو بہت محبت اور پیار سے صاف کر کے آخرت کی فکر اللہ کی محبت دلوں میں ڈالنے کی محنت کی جائے جیسے حدیث پڑھنا ، سیرت النبی صلی اللہ علیہ وسلم سنانا ،صحابہ کرام رضی اللہ عنہم کے حالات زندگی سنانا، اچھی مثالیں ، اچھی باتیں
تذکرے اہم ترین ہیں، یہ تذکرے ہی ہیں جو فکر مرتب کرنے میں مددگار ہوتے ہیں
ہم دن بھر جو بولیں گے ، وہی ہماری فکر کا محور بن جائے گا
کبھی زبردستی کچھ نہ کروایا جائے
صرف بتانا یے سمجھانا یے اور ان کو اختیار دینا یے
زبردستی کروائے گئے کام دیر پا نہیں ہوتے
مستقل فکر جگانی یے کہ ہم ان کے ساتھ ہوں یا نہ ہوں ، اللہ کے ساتھ ہونے کا یقین ان کے دلوں میں بٹھانا ہے
یہ سٹنگ روزانہ کی بنیاد پر ہو
کوئی ناغہ کئے بغیر
سالہا سال کرنے سے خود بخود نتیجہ سامنے آنے لگے گا ان شاء اللہ
نماز کی خود پابندی کرنی یے تو خود بخود بچے بھی کریں گے ، ان کو چھوٹی عمر سے نماز کے لئے ذہنی طور پر تیار کرنا ہے ، نماز کو زندگی کا سب سے اہم کام سمجھنا اور سمجھانا یے کہ اس سے اہم کوئی اور کام نہیں ، جہاں بھی ہوں جیسا بھی موقع ہو ، شادی بیاہ ، سیر و تفریح ، مشکل آسانی ہر حالت میں خود بھی نماز ہڑھنی یے اور بچوں سے محبت کے ساتھ پابندی کروانی یے ۔۔۔۔۔
*روزانہ کی بنیاد پر قرآن کی تلاوت کا معمول بنانا ہے*
اور جیسا کہ آج کل کے حالات ہیں، ہم نے انھیں میڈیا کے حوالے نہیں کر دینا کہ بچے کی تربیت کرے، خود وقت دینا یے ، میڈیا کا درست استعمال سمجھانا یے ، گناہ سے نفرت کو اس کے دل میں بٹھانا یے ، تنہائی کے گناہ سے بچنے کی ترغیب، اس کے نقصان ۔۔۔۔۔
نگاہ کی حفاظت
*اور سب سے اہم بڑھتی عمر مین ان کی جسمانی تربیت ، جسمانی تبدیلیوں* *سے آگاہی اور جائز، نا جائز، محرم ،نا محرم کا تصور*
خود ایسی فیملیز سے تعلقات بڑھانا جن سے مل کر ہمارے ایمان تازہ ہوں اور جو ہماری آخرت بنانے میں مددگار ہوں ، صحبت بہت اہم چیز یے ، دین میں مددگار لوگوں کی صحبت اختیار کی جائے، اور بچوں کو ہفتہ میں کم از کم ایک بار دینی مجالس میں اپنے ساتھ لے کر جانا
شائد دیکھنے میں یہ کام بہت زیادہ لگ رہے ہوں یا مشکل لگ رہے ہوں، لیکن حقیقتا یہ دنیا کے باقی امور کا 20 فیصد حصہ ہیں
بچے گرینڈ پیرینٹس کی خدمت کرنے والے، ان سے بہت محبت کرنے والے اور دعا لینے والے ہوں ، ماں ہمیشہ بچوں کے دل میں ددھیال کی محبت ہی ڈالے ، کسی سے کیسا بھی شکوہ ہو ، کبھی بچے کے کان میں نہ جائے، اسے رشتے نبھانے کی ٹریننگ دینی ہے
ایک بہت اہم نکتہ یہ ہے کہ کچھ دینی گھرانوں میں دیکھا گیا کہ والدین زبردستی بچوں کو دین پر عمل کرواتے رہے ، زبردستی ٹی وی بند ، زبردستی گانے نہ سننا ، زبردستی کا پردہ اور نماز ،روزہ
اور جونہی بچے ذرا بڑے ہوئے ، والدین کے اثر سے باہر نکلے تو سپرنگ کی طرح انھوں نے اس آزادی کو خوب منایا ، یا کبھی والدین موجود نہ ہوئے تو ان پابندیوں کو بوجھ سمجھ کر اتار پھینکا، یہ بہت اہم بات ہے کہ زبردستی کچھ نہ کروایا جائے، یہ لانگ ٹرم پروسیجر ہے ، صبر آزما بھی
لیکن ان کو صرف رستہ دکھانا یے
اچھائی اور برائی کا
اللہ کی رضا اور فرمانبرداری کا
خود چل کر دکھانا یے
اور اختیار ان کے ہاتھ میں دے دینا ہے
سالوں کی محنت ضرور رنگ لائے گی آن شاء اللہ
اور ہر اہم بات سے بھی اہم بات
دعا ، دعا اور صرف دعا
والدین صرف کوشش اور دعا کرسکتے ہیں
ہدایت اللہ دیتے ہیں، تربیت اللہ فرماتے ہیں
ہر نماز کے بعد خصوصی دعا ، اذان اور اقامت کے درمیان دعا
ربنا ھب لنا من ازواجنا و ذریتنا قرہ اعین واجعلنا للمتقین اماما
کو اپنا اوڑھنا بچھونا بنا لیا جائے
اللہ ہمیں اور ہم سب کی اولاد کو اپنا محبوب بنا لیں، ان سے راضی ہو جائیں ان سے عافیت و اخلاص کے ساتھ اپنے دین
*بچوں کی ہیراسمنٹ کے حوالے سے ایک ضروری بات۔۔*
میں اپنی نجی محفلوں میں بار بار ایک بات کا ذکر کرتا اور بار بار اس بات پر زور دیتا ہوں کہ اپنے بچوں کے ساتھ کمنیکیشین گیپ ختم کریں۔۔
آپکا، اپنے بچوں کے ساتھ تعلق اتنا بے ساختہ ضرور ہونا چاہیئے کہ وہ اپنی ہر بات آپ کے ساتھ شیئر کر سکیں۔ وہ کوئی قدم ایسا اٹھانے پر مجبور نہ ہوں جس کی وجہ والدین سے ری ایکشن کا خوف ہو۔۔
گھر سے باہر اتنے مین ہول کھلے ہوئے ہیں کہ ہم ہر ایک پر ڈھکن نہیں ڈال سکتے ۔ لیکن ہم اپنے بچوں کو ان سے بچ کر چلنا سکھا سکتے ہیں ۔
اور جب میں روزانہ کی بنیاد پر ایسے واقعات سنتا ہوں یا پھر ان کا گواہ بنتا ہوں ۔جن میں بچوں کے ساتھ زیادتی کا علم ہوتا ہے یا پھر کم عمری میں بچے کوئی نامناسب قدم اٹھا لیتے ہیں۔ تو مجھے ایسے ہر واقعہ کے پیچھے والدین قصوروار نظر آتے ہیں۔ جو اپنی جملہ ذمہ داریاں ادا کرنے میں ناکام نظر آتے ہیں ۔۔۔
*بچوں کو ان کا جائز حق نہیں دیں گے تو وہ چور راستے ڈھونڈیں گے۔ ان کے ساتھ دوستی نہیں کریں گے* *تو وہ آپ سے اپنے مسائل ڈسکس نہیں کریں گے۔۔۔*
*بڑی سادہ سے بات ہے ۔بچے ایک بیل کی مانند ہوتے ہیں۔بیل جب بڑی ہونا شروع ہوتی ہے۔ تو اسے سنوارنا پڑتا ہے ۔سہارا دینا ہوتا ہے۔* *ورنہ اسکی شاخیں الجھتی چلی جاتی ہیں۔ غلط سمت میں نکل جاتی ہیں۔ اور ایک وقت آتا* ہے *جب ان کو سنوارنا ناممکن ہوجاتا ہے۔*
بچوں کے مسائل بھی آپ نے وقت پر سنوارنے ہیں۔ ورنہ وہ کسی ایسی جگہ جا الجھیں گے جہاں سے نکالنا مشکل ہوجائے گا۔۔
تحریر،، مبشر سلیم
انتخاب،، عابد چوہدری
برائے مہربانی اس تحریر کو شئیر یا فارورڈ کیا جائے
*ٹین ایج بچوں کے نام*
ملت کا قیمتی ترین اثاثہ۔۔۔۔۔۔۔۔۔
تیرہ چودہ سال کی وہ بچی کچھ بچوں کو ایکٹویٹی کرواتے انھی میں سے ایک لگ رہی تھی ۔ میرے مخاطب کرنے پر متوجہ ہوئی ۔ جی آنٹی بیٹھئے آپ کچھ کہہ رہی ہیں۔
ہاں بیٹا مجھے اپنے بیٹی کو ٹیوشن بٹھانا ہے اپنی ٹیچر کو بلائیے وہ مسکرائی آپ کہیے ٹیچر میں ہی ہوں ۔
اب حیران ہونے کی میری باری تھی۔ پوچھا کس کلاس میں پڑھتی ہو بولی ۔آٹھویں کلاس میں ہوں۔
میری بیٹی چھٹی میں پڑھتی ہے پڑھا لو گی؟
جی آنٹی میرے پاس پانچویں ،چھٹی ہی کی تین طالبات ہیں۔
باقی تین پریپ کی ہیں ۔ دراصل یہ بڑی ذمہ داری ہے میں مزید اسٹوڈنٹ نہ لیتی لیکن چھٹی کلاس کی وجہ سے لے لیتی ہوں۔ فیس کا نہ اس نے بتایا اور میں بھی بھول گئی۔
واپسی کے راستے سوچ رہی تھی فیس دینے سے پہلے ڈیمو کلاس لوں گی ایسا نہ ہو فیس ضائع چلی جائے۔
دوسرے دن بیٹی پڑھ کر آئی کافی متاثر تھی ۔ کہنے لگی ٹیچر ہیں تو چھوٹی سی لیکن بہت زبردست پڑھاتی ہیں کہ ان کے پڑھاتے ہی سب یاد ہو جاتا ہے۔
انھوں نے وعدہ لیا ہے کہ کسی بھی ایک بچے کو میں نے لازمی پڑھانا ہے۔
دوسرے دن فیس دینے گئی تو اس نے عجیب سی بات کی۔ *بولی آنٹی میں فیس نہیں لیتی یہ تو قرض ہے جو ادا کر رہی ہوں۔*
*قرض کیسا ؟*
*کہنے لگی آنٹی اللہ نے پاکستان کے ان آٹھ فیصد لوگوں میں سے کیا ہے جنھیں مڈل کلاس میں* *تعلیم کی سہولت ملی ہے۔ سو میں سے صرف تین بچے ہی مڈل کی تعلیم لے پاتے* *ہیں۔ میں نے گویا ان کے وسائل استعمال کیے ۔میرا فرض بنتا ہے میں اسے* *دوسروں تک پہنچاؤں۔ سب کونہیں پڑھا سکتی تین چار کو تو پڑھا سکتی ہوں ۔*
ایسا بھی نہیں ہے کہ اس سے مجھے کچھ نہیں مل رہا ۔
کئی فائدے ہیں جو مجھے پہنچ رہے ہیں۔
*دل کوسکون ملتا ہے ۔*
علم بانٹنے سے بڑھ رہا ہے ۔
تصورات واضح ہورہے ہیں۔
محنت کرنے کی عادت ہوتی جارہی ہے کہ پڑھانے کے لئے پہلے خود بہت پڑھنا پڑتا ہے۔
خود اعتمادی بڑھ رہی ہے۔
اپنی کمزوریوں کا پتہ چلا ہے کہ میں علم میں بہت پیچھے ہوں۔ *سب سے بڑی بات میرے لئے صدقہ جاریہ بھی تو تیار ہو رہا ہے ۔*
میں حیرانگی سے دیکھ رہی تھی اور وہ روانی سے کہتی جا رہی تھی۔
*میں اپنی شاگردوں سے ایک وعدہ لیتی ہوں کہ وہ بھی محلے کے ایک دو بچوں کی ذمہ داری لیں گی اس طرح نیکی کا ایک سلسلہ* *چل پڑا ہے* ۔
پوچھا تمھارے والدین کو کوئی اعتراض تو نہیں ۔
یہ سب انھوں نے ہی تو سکھایا ہے وہ مسکراتے ہوئے بولی ۔
مجھے یاد آیا کہ جب میں چھوٹی تھی اسکول معمولی سا تھا۔ پڑھائی خاص نہ تھی۔
میں اپنی کلاس کو گھر بلا لیا کرتی۔
مجھے اللہ نے خاص صلاحیت دی تھی مشکل سے مشکل سبق کو ویبنگ کی صورت ترتیب دے کر سمجھاتی تو ذہن کی گرہیں خود بخود کھلنے لگتیں سب یاد ہو جاتا۔
اس بچی کی ماں سے ملاقات ہوئی پروقار خاتون تھیں ۔کہنے لگیں یہ دور بچوں کی ٹریننگ کا دورہے جو کچھ سیکھیں گے ان کی شخصیت میں اتر جائے گا۔ نازک مزاجی ڈال دی تو سمجھ لیں زندگی بھر کا رونا اور خود ترسی میں مبتلا رہیں گے۔
زندگی مسلسل ایک آزمائش سے دوسری آزمائش کا سفر ہے۔ یہ بات بچوں کو عملی زندگی ہی سکھاتی ہے۔
یہ باتیں کلاس روم میں سمجھائی تو جا سکتی ہیں اندر نہیں اتاری جا سکتیں۔
ملاقات کے بعد سےسوچ رہی ہوں ایسی سوچ مجھے ملی ہوتی تو اب تک کئی چراغ روشن ہوتے۔
گزشتہ دنوں ٹین ایجرز کے لئے ایک ورکشاپ بچوں کے ساتھ اٹینڈ کی زبردست نکات ہاتھ آئے کہہ رہی تھیں۔
*پرائمری کے بعد کا دور بہت نازک دور ہے ۔اس دور میں جس بچے نے خود پر کنٹرول کرنا سیکھ لیا تو گویا دنیا پر کنٹرول کی کنجی پا لی۔*
متنبہ کرتے کہنے لگیں
*لڑکے لڑکیوں کی دوستی کا تصور خالص حیا باختہ تصور ہے جس کی نہ ہی* *ہمارا دین اور نہ ہی ہماری اقدار اجازت دیتی ہیں۔*
اس دور میں جبکہ آپ پر دنیا کے نئے در وا ہو رہے ہوتے ہیں۔زندگی کے ظاہری رخ کے علاوہ گہرائی کی سمجھ نہیں ہوتی ایسے میں جنس مخالف سے قربت آپکی نازک کشتی کو طوفانوں کے سپرد کردیتی ہے ۔
جس سے عفت وعصمت کردار ہی نہیں آپکی پوری زندگی خطر ے میں پڑ جاتی ہے۔
مزید کہنے لگیں
اس دور میں زندگی کے ہر پہلو پر سوال اٹھتے ہیں جنھیں مناسب جواب اور رہنمائی کی ضرورت ہوتی ہے۔
آپ کو یہ سارے سوالات قرآن وحدیث سے پوچھنے چاہیں۔
*پندرہ سال کی عمر تک قرآن کو ترجمہ و تفسیر کے ساتھ پڑھ لینا چاہیے۔*
احادیث کے ذخیرے میں کم ازکم بخاری شریف ضرور پڑھنی چاہیے۔
عقائد اور دین کے بنیادی تصورات کو سمجھنے کی کوشش کرنی چاہیے۔
اس کے لئے اسلامی ادب کا مطالعہ کریں ۔ سلطان صلاح الدین ایوبی، محمد بن قاسم، ٹیپو سلطان، حسن البنا کی زندگی نوجوانوں کے لئے اس دور میں مشعل ہے۔ ان کو ضرور پڑھیں ۔ علامہ اقبال نے آپ کو کیا پیغام دیا ہے اسے سمجھیں۔
آپ کو معلوم ہونا چاہیے تقویٰ کیاہے۔صبر اور قربانی کا حقیقی فلسفہ کیا ہے۔
اصل کامیابی کیا ہے آپ کو جاننا چاہیے کہ آپکے رب نے کامیابی کسے کہا ہے ؟
حقوق وفرائض کو آپ کو اسی دور میں جاننا چاہیےکہ یہ وہ دور ہے آپ کی شخصیت ایک لحاظ سے تکمیل پانے والی ہے۔ بے انداز ذمہ داریاں آپکی منتظر ہیں۔
ایک غلط قدم آپ کو ناقابل تلافی نقصان سے دوچار کر سکتا ہے۔
آپکا ذمہ دارانہ رویہ آپکی زندگی کو برکتوں سے بھر سکتا ہے۔
میرے بچوں یاد رکھو *حیا ،مروت ،عاجزی وہ اقدام ہیں جو سیدھا کامیابی کی طرف لے جاتے ہیں۔*
آپ اس وقت توانائی کا بھرا ہوا پارہ ہیں۔ جس کام کا عزم کریں گے پایہ تکمیل تک پہنچائیں گے۔ لہذا پہلے مرحلے پر کرنے والے کاموں کی فہرست بنا لیں۔
زندگی میں کچھ بنیادی مہارتیں ہیں جن کو آپ کو ضرور حاصل کرنا چاہیے۔
لڑکیاں کھانا پکانا، سلائی ہوم مینجمنٹ ،اسٹریس مینجمنٹ ، ہر عمر کے بنیادی نفسیاتی مسائل اور اسکےحل سے متعلق کورس ، ایجنگ سائنس کی بنیادی واقفیت ،بنیادی فقہی مسائل ، ضرور سیکھ لیں۔ بچوں ،بزرگوں، کے ساتھ اپنا فارغ وقت ایک طالب علم کی طرح گزاریں۔ یہ سب اس قدر ضروری ہے کہ آپ اندازہ نہیں لگا سکتیں۔
کمپوٹر کی بنیادی مہارت حاصل کر لیں،گاڑی نہ بھی ہو تب بھی ڈرائیونگ کورس کر لیں۔اپنے بنیادی کاغذات مکمل کر لیں۔
شادی کے بعد اسی فیصد لڑکیاں پیچیدہ نفسیاتی مسائل کا شکار ہو جاتی ہیں۔ جس کی بنیادی وجہ زندگی کے اس مرحلے سے متعلق مناسب طور پر تیار نہ ہونا ہے۔
بیس سال تک آپ کو بھی اپنے خاندان کی بنیاد رکھ لینی چاہیے کہ یہی مناسب وقت ہے۔ اگر آپ نے اس وقت درست طور پر سمت کا تعین کر لیا تو زندگی بھر آپ کو آگے بڑھنے سے کوئی روک نہیں سکتا۔ شادی آپ کے لئے زندگی کا نیا دور ہے جس کے بعد آپ پر ہے کہ آپ اپنی دنیا کیسی بناتی ہیں۔
لڑکے اس دور میں ڈرائیونگ ،کمپوٹر سیکھنے کے ساتھ اپنا موبائل،اپنا لیپ ٹاپ لے لیں شناختی کارڈ بنوا کر بینک اکاؤنٹ کھلوا ئیں بینک سے متعلق بنیادی مہارتیں بھی سیکھیں ۔
پڑھائی پر توجہ مرکوز کرنےکے ساتھ گھر کے کچھ کاموں کی زمہ داری لے لیں۔ ایک دو بچوں کو ٹیوشن ، کسی میڈیکل یا جنرل اسٹور،بیکری،ورکشاپ، لائبریری،یا کسی بھی ورکنگ پلیس پر اپنی خدمات ایک دو گھنٹے کے لیے مفت مہیا کریں۔
اس ایکٹوٹی کا فایدہ آپ آج نہیں پانچ دس سال بعد اپنی زندگی پر محسوس کریں گے۔ گیمز ،فضول موویز میں وقت ضائع کرنے کے بجائے آن لائن ارننگ کے طریقے سیکھیں۔ یاد رہے پیسہ کمانا نہیں اس وقت سیکھنا، تجربے کا حصول مقصد ہے۔
کسی بھی اسلامی اجتماعیت کو ضرور جوائن کریں۔ اس کے فوائد آپکی زندگی پر حاوی ہو جائیں گے۔
*فوٹو ایڈیٹنگ،ویڈیو ایڈیٹنگ، کمپوزنگ، پاور پوائنٹ پرزنٹیشن میں* مہارت حاصل کر لیں۔ اپنا یو ٹیوب چینل کھول لیں جو کچھ سیکھتے جا رہے ہیں شئیر کرتے جائیں۔
*فجر کی نماز کے بعد یا پہلے آدھا گھنٹہ جوگنگ کے لئے مختص کریں۔* محلے کے ہفتہ وار میچ کے لئے بھی ضرور وقت نکالیں۔ یاد رہے خود کو وقت کا پابند کرنا ہے ۔کہیں بھی توازن بگڑنے نہ پائے۔
والدین کو ضرور وقت دین ،آپ کی گھر میں آمد خوش گواری کا باعث ہونی چاہیے۔ بہنوں کو مان دیں ان پر کچھ نہ کچھ ضرور خرچ کرتے رہیں۔ کہیں جانے سے پہلے ان سے پوچھ لیا کریں انھیں کچھ چاہیے ہو تو بروقت لے آیا کریں۔ کہیں جانا ہو تو لانے لے جانے کی ذمہ داری صرف آپکی ہے کہ آپ بھائی ہیں چھوٹے ہیں یا بڑے اس سے فرق نہیں پڑتا۔
*آپکا شریک حیات کیسا ہو ضرور سوچیں اور خود کو ایسے شریک حیات کے قابل* بنائیں۔ ابھی سے جان لیں اللہ نے ہر شخص کو آزاد پیدا کیا ہے کسی بھی لحاظ سے وہ دوسرے کا غلام نہیں ہو سکتا ۔ہر ایک کو اسپیس دیں۔
*بائیس تئیس سال میں شادی کر نے کو اپنی پلاننگ میں رکھیں ۔*
یاد رکھیں اس دور میں آپ کے پاس بہت پیسہ نہیں ہوگا اس وقت تک نارمل زندگی گزارنے کے لئے آپکو کتنے درکار ہونگے اس کا حساب ابھی سے لگا لیں کہ آپ کے نام پر گھر آنے والی کی بنیادی ذمہ داریاں آپ پر ہونگی۔
لڑکا ہو یا لڑکی دونوں جان لیں زندگی میں *پیسہ ،آسائشات مقصد نہیں کچھ خاص مقاصد ہیں جن کے لئے اللہ نے آپکو بھیجا ان* *مقاصد کو تلاش کریں۔*
آس پاس کی چمک دھمک دولت کی ریل پیل سے متاثر نہ ہوں کہ یہ دنیا کا مال ہے یہیں رہ جائے گا۔ جو وہاں کام آئے گا اس کے بارے میں سوچیں۔
اپنے والدین کی ڈانٹ پر ناراض ہونے کے بجائے ان کو اپنا موقف سمجھائیں ان سے بات چیت کریں۔ تھوڑا وقت لگے گا وہ آپ کی بات کو سمجھ جائیں گے۔
یقینا یہ ایک آنکھیں کھول دینے والی ورکشاپ تھی۔
*گزشتہ دنوں ایک سہیلی کی بیمار پرسی کے لئے جانا ہوا اس کی بارہ سالہ بیٹی نے گھر سنبھال رکھا تھا* ۔ *کہنے لگی دو سال کی عمر سے ہی یہ کام کرنا شروع ہو گئی تھی۔*
*فطری طور پر کاموں کے کرنے کا شوق اس عمر میں انتہا درجے کا ہوتا ہے ہم انھیں اس وقت روکتے ہیں* *اور جب شوق ختم ہو جاتا ہے تو کاموں پر اصرار کرنے لگتے ہیں ۔*
اس نے بتایا میرے بچوں کے شروع سے ہی کام طے تھے۔ دستر خوان لگاتے ،اٹھاتے ،برتن دھوتے، جھاڑو لگاتے۔ میں سب کچھ بخوشی کرنے دیتی۔ ان کے یہ کام میرے کاموں کو بڑھا دیتے تھے مگر یہ گھاٹے کا سودا نہیں تھا اب ہر بچہ ہر کام خودکر لیتا ہے۔انھیں کاموں کو ترتیب دینا بخوبی آگیاہے۔
*کل ہی بیٹا اسکول سے آیا پرجوش تھا میں نے آج زکوٰۃ نکالی ہے۔ کیسی زکوٰۃ میں نے اسے پیار کرتے پوچھا*
*کہنے لگا کلاس میں ہر لائق بچے کے ذمہ کمزور بچے کی ذمہ داری استاد صاحب نے لگائی ہے اب ہم نے اس بچےکو اپنے لیول تک لانا ہے* *اس نے وضاحت سے بتایا۔*
*یہ زکوٰۃ کیسے ہوئی* ؟
*بولا امی جی زکوٰۃ صرف مال کی نہیں ذہن اور علم کی بھی ہوتی ہے۔ یہی تو ہمارے استاد نے سمجھایا* *ہے۔ اور جس طرح زکوٰۃ دینے سے مال پاک ہوتا اور بڑھتا ہے اسی طرح علم میں بھی برکت ہوتی ہے اور علم* *بڑھ جاتا ہے*
ایک خاتون جن کا تربیہ کے حوالے سے بڑا نام ہے بڑے پتے کی بات کہی کہنے لگی *تعلیمی ادارے تربیت کر نہیں رہے۔ بچے زندگی کا طویل عرصہ صرف نام نہاد تعلیم کے حصول میں گزار دیتے ہیں جہاں تربیت کا گزر* *ہی نہیں ماسٹر ز کرنے والا عملی زندگی کی الف بے* *سے بھی ناواقف ہوتاہے۔*
*لہذا عملی زندگی کے چند ہچکولوں سے بہت جلد مایوس ہو کر ڈیپریشن میں چلا جاتا ہے ۔*
وہ بچے جو میٹرک سے پہلے گھر کی کچھ ذمہ داریاں اور پھر تعلیم کے ساتھ عملی زندگی میں کام شروع کر دیتے ہیں ۔ وہ نہ صرف رشتوں کے ساتھ مضبوط بندھن میں بندھتے ہیں بلکہ
تعلیم کے ساتھ عملی زندگی کا تجربہ ان کی شعوری آنکھ کھول دیتا ہے۔
لہذا شادی ،اولاد سب کچھ وقت پر ہو جاتا ہے ۔ ان کے بچے بھی بہت جلد ان کے ساتھ کندھے سے کندھا ملائے کھڑے ہو جاتے ہیں ۔
فضولیات میں پڑنے کی فرصت بھی نہیں ملتی چالیس پینتالیس کی عمر میں سب کاموں سے فراغت پاکر دنیا کھوجنے اور فایدہ پہنچانے کے مواقع سے خوب فائدہ سمیٹتے نظر اتے ہیں ۔
ہمارے جاننے والوں میں ایک صاحب نے ڈگری کے حصول میں پچیس سال لگائے۔ اچھی جاب کی امید میں سات سال مزید ضائع کر دیے اور اب تک بےکار ہیں گھر والے اس کی فکر میں روز مرتے روز جیتے ہیں۔
۔ جبکہ اسی کے ساتھ کے بچے اپنی فیملی لائف اور زندگی میں بہت آگے بڑھ گئے ہیں۔
*دس سے بیس سال کا عرصہ ایک طوفانی عرصہ ہے۔ اس میں آئیڈیل بنتے اور تبدیل ہوتے ہیں۔کاموں* *میں بھی نیا پن ،طبیعت میں نیا بدلاؤ نئی زندگی کا پیامبر ہوتاہے۔اچھے ساتھی اور دوست زندگی میں* *نمایاں کردار ادا کرتے ہیں۔*
*مجھے اپنے استاد کا جملہ یاد آتا ہے سفر جتنا بروقت شروع کر و گے منزل پر اتنا ہی بروقت پہنچو گے۔*
وسائل کا انتظار کرنے والوں کے پاس کبھی وسائل چل کر نہیں آیا کرتے ۔کاہل،سست ،کام چور افراد معاشرے پر بوجھ کے سوا کچھ اضافہ نہیں کرتے ۔ ان کے ساتھ زندگی گزارنا بھی عذاب سے کم نہیں ہوتا۔
پیارے بچو
آپ تفریحا کچھ دیکھنا چاہتے ہیں تو ارتغرل،عثمان سیریز،تشکیلات، توزکوپران،سلطان عبد الفاتح، وغیرہ دیکھیں۔
ایک دو زبانوں سے اپکو واقفیت ضرور ہو چکی ہوگی دو تین مزید زبانوں کا انتخاب کرلیں یہ ایک دلچسپ سرگرمی ہی نہیں آپ کے لئے مواقع بڑھانے کا ذریعہ ہوگی۔
*اللہ سے خوب باتیں کیا کریں۔ اپنے بڑے بڑے خوابوں کو اسی کو بتائیں مدد* *مانگیں راستہ مانگیں راہوں کی آسانی اور* *کشادگی مانگیں۔اس کی مدد شامل حال رہی تو آپ آسمانوں پر کمندیں ڈال* *سکتے ہیں۔ اسی سے بصیرت ،وسعت نظری، بلند حوصلہ مانگیں۔*
آنے والے دس سالوں میں آپ کہاں پہنچنا چاہتے ہیں ابھی سے سوچ لیں اور اس راستے پر چلنا شروع کر دیں۔
دنیا گھومنے کے مواقع ہیں تو دنیا گھومیں ورنہ اپنا ملک تو ضرور دیکھیں ۔
اس تحریر کو محفوظ کر لیں دس سال اس راہ پر چلیں ۔ یقینا آپ احسان مند ہونگے۔
*آخری یاددہانی*
*آپ ملت کا قیمتی ترین اثاثہ ہیں یہ بات کسی صورت نہ بھولیں اور نہ ہی اپنے ساتھیوں کو بھولنے* دیں۔
*سلامت رہیں اللہ ربی آپ سے تعمیر ملت ،اقامت دین کا کام لے لے۔دلی دعائیں آپ سب بچوں کے لئے ۔*
انتخاب،، عابد چوہدری
برائے مہربانی اس تحریر کو شئیر یا فارورڈ کیا جائے
❂▬▬▬๑۩۞۩๑▬▬▬❂
#parents #parenting #family #kids #love #children #baby #education #momlife #parenthood #mom #motherhood #dad #teachers #school #parentingtips #learning #students #familytime #mother #maman #child #dadlife #babies #babyboy #life #happy #covid #parent #babygirl
#instagood #newborn #fun #instagram #famille #bebe #dads #toddler #fatherhood #b #moms #father #mum #mumlife #teacher #enfants #photography #toddlers #pregnancy #momsofinstagram #preschool #pregnant #childcare #smile #daddy #mentalhealth #parentlife #papa #like #cute
No comments:
Post a Comment